Rolda de Prensa

Día de clausura do XXV aniversario da MIT RIBADAVIA.
Ribadavia. Domingo 26 de xullo de 2009.
Entrevista coa prestixiosa actriz portuguesa Beatriz Batarda

Beatriz Batarda, recoñecida e premiada actriz no teatro e no cinema portugués estrea o seu espectáculo De homem para homem en España. A actriz atenderá aos medios ás 11:00 xunto ao director do espectáculo, José Carlos Plaza, que se despraza a Ribadavia para asistir a este espectáculo que pecha as opcións do 10º Premio do Público. Casa da Cultura, domingo 26, 20:00.

Ás 23:00 dará comezo a gala de clausura, conducida pola actriz e directora Mariana Carballal e por Aurora García. Nela darase a coñecer o premio do público ao mellor espectáculo, o premio de Honra Abrente e o 4º Premio de Textos Teatrais, ao que optan un total de 14 textos. Posteriormente, o auditorio acolle un espectáculo de danza contemporánea dirixido por Rob Tannion da afamada compañía DV8 Physical Theatre e Theatre de la Complicité.

Finalmente, como é tradición neste festival, clausura a compañía gañadora na edición anterior. Neste caso, Teatro Meridional co espectáculo de rúa Camping, espectáculo de terror, surrealismo e comedia.

Tel. 988470861
Atentamente,
    prensa@mitribadavia.com
    www.mitribadavia.com